heehelui的部落格

第一次寫分享文~希望幫到大家:)

之前向hws見到呢個mask做特價,佢又講到鬼咁好,就買一次試下~價錢係$990 3盒 每盒有5set! 當時心諗,如果有佢講既功效,約$60一次,當做個簡單facial,何妨一試?

佢1set分左3個steps, 1.深層清潔GPS Mask 02 Cleanser, 2.GPS Mask, 3.細胞能量面霜cell engry cream

Step 1: 佢唧出嚟係乳白色啫喱狀,落妝洗面後勻暈咁揸上面(我洗完面有輕微咁針清過),之後就係等~呢個期間佢自己會出泡泡架~聽到氣泡聲😄佢聲稱係用d氣泡去帶走面上雜質^^  

相入面可以見到泡泡係會一撻撻既,據網站講,佢係會針對問題肌膚而出多d泡~咁我就唔知係自己揸唔暈定真係問題肌喇~

過水之後覺得好爽,唔乾

Step 2: 敷mask喇😍

呢個Mask佢話可以當成second skin,即係第2層皮膚!!Bio Cellulose Mask係會令皮膚更有效吸收~

個Mask好薄好貼面,感覺幾舒服☺我個人本身唔係好鍾意敷paper mask,但係為左美容我都有逼自己敷,每次塊paper mask一撻上面,我就會覺得好唔舒服😷好似有d痕咁...但我唔係敏感喎😂

呢個mask既舒服度有90分👏👏不過略嫌有d唔夠長,個額頭位比較短有好大個area敷唔晒😳

而網站就好誇張咁話張mask因為係2nd skin,所以就算敷2個鐘都唔會怕扯乾面上水份!但盒上係叫我地敷15-20分鐘!我又即管試下敷耐d....

  一個鐘期間我有覺得乾,就用包裝入面淨左既精華再抹上面膜,重覆左2-3次,最後到1個鐘我真係頂唔順...塊mask開始乾喇,貼住左面😂😂撕開可以睇得出佢薄左好多,唔似敷前咁脹咁飽滿~我當時無開冷氣,濕度高到差唔多100%,佢都乾,大家千祈唔好聽佢講敷2粒鐘大安旨意去眠一眠,會出事架😂

 敷完覺得幾滋潤同輕微白左~喜出望外係老公同我講話敷完塊面firm左!!!係真唔係架??其實我唔係好覺,但老公認真堅持話係瘦左d😂

Step 3: Cell Engry Cream

見佢單買都幾貴,揸上面好易推,感覺好滋潤~又唔會好笠喎👍

再補一張做完呢set野後第2日乜都未揸既相~  

先唔好講d小斑🙈我感覺塊面係滑左,毛孔係細緻左,而且平時用洗面膏洗完面會有輕微崩緊感,但今日洗完面又無左呢種感覺喎👍以我自己理解應該係水份夠啦~~~

整體嚟講我都幾滿意呢set mask!因為平時自己o係屋企做facial都好想做左深層清潔之後再造補濕~但咁既話就要花時間敷clay mask🙈大家都知clay mask要洗都有返咁上下難道!

同埋好多時敷mask都係敷完果下,揸埋cream,會成塊面水潤水潤咁,但魔法到第二朝就會消失😡GPS Mask係第一隻我覺得到第2日都依然有感覺既mask❤❤當然個cream都應記一功既~

價錢呢~我係特價既時候買,圍60蚊咁上下一set,都算合理,但如果佢正價成5xx一盒,貴唔貴就見人見至喇~

如果大家鐘意我既分享~請多多支持~我會出多d唔同既試用文!!